Skráning á Selfossmótið helgina 2-3. apríl

Komið þið sæl.

Nú er komið að því að skrá þáttöku á mótið á Selfossi helgina 2-3 apríl.

Áætlað er að mótið hefjist um hádegi á laugardag og þann dag séu leiknir 3-4 leikir per lið. Mótið hefst svo aftur snemma á sunnudagsmorgun og eru þá leiknir 3-4 leikir til viðbótar per lið. Áætluð mótslok eru í kringum 14:00 á sunnudag.

Ég ætla að biðja ykkur um að skrá drengina í athugasemdakerfinu (comments) hér fyrir neðan þennan texta.
Skráið nafn drengs og hvort hann mætir á mótið.
Einnig þarf að koma fram hvort viðkomandi ætlar að gista í skólastofu og hvort foreldri gistir þá með honum.

Hér eru helstu upplýsingar um mótið frá mótshöldurum:
Þátttökugjald er kr. 5.000 pr. þátttakanda þar sem þetta er síðasta mót vetrarins og svokallað “pakkamót” og er innifalin gisting í 1 nótt, 2 heitar máltíðir og morgunverður. Einnig verður haldin kvöldvaka og frítt er í sund á meðan á móti stendur.

Við höfum fengið nokkrar fyrirspurnir varðandi gistingu foreldra, og við höfum ákveðið að foreldrar gista frítt með krökkunum. En þeir geta svo keypt sér mat í mötuneytinu.
Þetta gæti þýtt að það yrði aðeins þrengra í stofunum en við látum þetta ganga upp.
En við þurfum að fá nákvæma tölu á þeim sem gista með þátttökutilkynningunni.

Elli 861-6466